Hal-hazırda Bakıdan hara uçmaq olar?
Belə deyək, bir çox yerə. Pulunuza, internetdə axtarış bacarığınıza və burnunuza minnət. Burnunuzun nə dəxli var deyə soruşursanızsa – kovid testi deyirik. Bu saat testsiz uçmaq mümkün deyil.
Pul məsələsində sizə yardımçı ola bilməyəcəyik amma internet axtarışı barədə bir-iki məsləhət verəcəyik bugün.
Deməli belə...
Biletləri necə tapım?
Əgər getmək istədiyiniz dəqiq şəhər və tarix varsa, Aviasales.az saytına daxil olub biletləri yoxlayırsınız.
Ümumiyyətlə hara uça bilərəm?
Bakıdan ümumiyyətlə hansı uçuşların olduğuna baxmaq istəyirsinizsə bura klikləyin, gün ərzində olan uçuşlara baxın
Getmək istədiyim şəhərə birbaşa uçuş yoxdur. Nə edim?
Birbaşa hara uça biləcəyinizi öyrəndikdən sonra, o şəhərlərdən istədiyiniz yerə biletləri aviasales.az saytında axtarın. Məsələn, Bakıdan İstanbula reyslər var, amma siz Dubaya uçmaq istəyirsiniz. Girirsiniz yenidən aviasales.az saytına və Baku-Dubay reysini axtarırsınız. Sizə tranzit variantlar göstəriləcək. Qiymətlərə və reyslər arasında olan vaxta mütləq nəzər yetirirsiniz və sizə uyğun olan bileti seçib alırsınız.
Bileti seçdim. Məni istədiyim ölkəyə buraxacaqlar?
Bunu dəqiqləşdirmək üçün google-da axtarıç edirsiniz. Məsələn, “Dubai covid restrictions” axtarırsınız. Və ya, birbaşa bu sayta daxil olub sizə lazım ölkənin qaydalarına baxırsınız. Amma onu da nəzərə alın ki, pandemiya girəndən bəri qaydalar hər dəqiqə dəyişə bilər. Ona görə, biletini seçdiyiniz aviaşirkətlə də əlaqə saxlamağınız məsləhətdir. Gedəcəyiniz ölkədəki Azərbaycan səfirliyi və ya ölkənin rəsmi turizm agentliyi ilə də əlaqə saxlayıb məlumat ala bilərsiniz.
Hal-hazırda qadağa qoymayan ölkələr var?
Var! Məsələn Albaniya, Monteneqro, Əfqanıstan, Makedoniya, Tanzaniya və daha bir neçə ölkə.
Testi necə verməliyəm?
Testi TƏBİB tərəfindən təstiqlənən laboratoriyalarda verə bilərsiniz. Burada laboratoriyaların siyahısını yığmışıq.
Sualın qaldı? Bizə yaz, cavablandıraq.