Aviaşirkətin saytı vasitəsilə və ya daşıyıcının göndərdiyi məktub vasitəsilə.
Adətən qeydiyyat uçuşdan 24 saat əvvəl başlayır və 40 dəqiqə qalmış bitir. Aviaşirkət qeydiyyatı açdıqda, elektron poçtunuza bildiriş göndərir. Əgər belə bir mıktub almadınızsa, daşıyıcının saytına daxil olun, «Onlayn qeydiyyat» bölməsini tapın və təlimatlara əməl edin.
Qeydiyyat üçün lazım olacaq:
- Sərnişinin soyadı və adı;
- Sifarişin kodu və ya PNR — altı simvoldan ibarət kod və ya elektron bilet nömrəsi — bunlar sizə elektron poçtla göndərilən marşrut qəbzində var;
- Bilet alarkən göstərdiyiniz elektron poçt ünvanı;
- Uçuş hava limanı;
- Bəzən — uçuş tarixi və vaxtı, reysin nömrəsi.
Qeydiyyat zamanı siz yer seçə bilərsiniz, lakin adətən bu xidmət pulludur. Əgər yer almaq istəməsəniz, sistem avtomatik olaraq sizə bir yer təyin edəcək.
Minik talonu
Onlayn qeydiyyatdan sonra minik talonu elektron poçtunuza göndəriləcək. Onu hava limanında, təyyarəyə minmədən əvvəl göstərməlisiniz.
Bəzi aviaşirkətlər və hava limanları rəqəmsal minik talonlarını qəbul edir. Bu halda, minik talonunu çap etmək lazım deyil — onu telefonda saxlamaq və göstərmək kifayətdir.
Bəzən qeydiyyat üçün məhz kağız talon tələb olunur. Əgər baqajsız uçursunuzsa, qeydiyyat masasına getməyə ehtiyac yoxdur, talonu xüsusi avtomatdan çap edə bilərsiniz — bu avtomatlar bankomatlara bənzəyir. Həmçinin, adi printerdən çap da uyğundur.
Bəzi aviaşirkətlər qeydiyyat masasında sərnişin qeydiyyatı və uçuş talonun çapı üçün əlavə ödəniş tələb edirlər. Artıq ödəniş etmək istəmirsinizsə, uçuşdan əvvəl aviaşirkətlərin qaydalarını yoxlayın.
Onlayn qeydiyyat mümkün olmayanda
Bəzi hallarda onlayn qeydiyyat mümkün deyil:
- Bəzi hava limanlarından uçuş zamanı — bu barədə məlumatı aviaşirkətin və ya hava limanının saytında tapa bilərsiniz;
- Əgər 5-dən 12, bəzən isə 16 yaşadək uşaq aviaşirkətin müşayiəti ilə uçursa;
- Əgər heyvanla uçursunuzsa.
Bileti çap etmək lazımdır?
Qısaca desək, xeyr.
Marşrut qəbzi — uçuşda yerin alındığını təsdiq edən elektron biletdir. Bu sənəddə uçuşun vaxtı, hava limanları və sərnişin haqqında məlumatlar yer alır. Bilet ödəniş edildikdən sonra 3 saat ərzində bilet alış zamanl qeyd etdiyiniz elektron poçt ünvanına göndərilir.
Hava limanında marşrut qəbzini göstərməyə ehtiyac yoxdur. Sizin məlumatlarınız artıq aviaşirkətin sistemindədir, buna görə də reysə qeydiyyat üçün yalnız pasport tələb olunur.
Uçuşa minmək üçün minik talonu lazımdır — onu hava limanında qeydiyyat masasında, özünəxidmət avtomatlarında və ya onlayn qeydiyyatdan keçərkən əldə etmək olar.
Əgər bilet elektron poçtunuza gəlməyibsə, «Spam» qovluğunu yoxlayın. Orada da yoxdursa, «Mənə Bilet gəlmədi» adlı məqaləmizi oxuyun.